کابل ښوونې او روزنې پوهنتون د کیفیت لوړواي آمریت لخوا د درېیم پړاو سندونو ساتلو په پار ستاینغونډه ترسره شوه!
سې شنبې ورځ د 21/10/1445 ه.ق. چې له 11/2/1403ه.ش نېټې سره سمون لري د کیفیت لوړاوي آمریت د درېیم پړاو سندونو ساتلو په پار ستاینغونډه ترسره کړه.
غونډه د قران کریم د څو مبارکو آیاتونو په تلاوت سره د پوهنتون رئیس، معاونینو، پوهنځیو رئيسانو، ډیپارمنټونو آمرینو، استادانو او اداري آمرینو په ګډون سره پیل شوه.
لومړي، د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د غونډې ګډونکوونکو ته د ښه راغلاست ترڅنګ، د دې ویاړ مبارکي ورکړه، همدارنګه یې د غونډې ګډوونکونکو ته په اداري کارونو کې د شفافیت، ښه والي، تعهد، او امانت دارۍ اړوند اړینې سپارېښتنې وکړې.
وروسته، د علمي چارو مرستیال ښاغلي پوهاند دوکتور جمشېد خان "رشیدي" په خپلو خبرو کې، د مبارکۍ ترڅنګ د درېیم پړاو سندونو ساتلو نتایج د غونډې ګډوونکونکو سره شریک کړل.
د یادولو وړ ده چې اول، دویم او درېیم مقام پوهنځیو او مربوطه آمریتونو او اداري برخو آمریتونو ته چې د درېیم پړاو سندونو ساتلو برخې کې یې لوړې نمرې اخیستې وې، ستاینلیکونه ورکړل شول.
