کابل ښوونې او روزنې پوهنتون د معلوماتي تکنالوژۍ څانګې لخوا د پوهنځیو رئیسانو، دیپارټمنټونو آمرینو، استادانو او تدریسي مدیرانو ته د برېښنایې زده کړو HELMSدرې ورځنی ورکشاپ پیل شو!

پنجشنبې ورځ ٣٠/٥/۱۴۴۵ هــ ق چې له ٢٣/٩/١٤٠٢ه.ش نېټې سره سمون لري د کابل ښوونې او روزنې پوهنتون د معلوماتي تکنالوژۍ څانګې لخوا د پوهنځیو رئیسانو، دیپارټمنټونو آمرینو، استادانو او تدریسي مدیرانو ته د پوهنتون د معلوماتي تکنالوژۍ څانګې په ICT دفتر کې د (برېښنایي زده کړو پېژندنې، برېښانیي زده کړو اهدافو، برېښنایي زده کړو ضرورتونو او برېښنایي زده کړو میتودونو) HELMS اړوند، درې ورځنی ورکشاپ د کابل ښوونې او روزنې پوهنتون رئیس، علمي چارو مرستیال، پوهنځیو رئیسانو، دیپارټمنټونو آمرینو، معلوماتي تنکالوژۍ آمر، دعوت او ارشاد آمر، استادانو او تدریسي مدیرانو په ګډون پيل شو.

یاد ورکشاپ د قرآنکریم د څو مبارکو آیتونو په تلاوت سره پیل شو.

لومړۍ، د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا"هاشمي" د غونډې ګډوونکونکو ته د ښه راغلاست ترڅنګ د یاد ورکشاپ اړوند خوښي څرګنده کړه، زیاته یې کړه: یاد ورکشاپ د لوړو زده کړو وزارت لخوا د پوهنتون معلوماتي تکنالوژۍ څانګې مسؤولینو ته دایر شوی وو، چې د پوهنتون معلوماتي تکنالوژۍ څانګې لخوا به د استادانو ته د یاد ورکشاپ له لارې د برېښنایې زده کړو په برخو کې اړین معلومات ورکړل شي، همدارنګه یې د په هېواد کې د برېښنایې زده کړو په ارزښت اړوند خبرې وکړې او په یاد ورکشاپ کې د ټولو استادانو په ګډون کولو تأکید وکړ..

وروسته، د پوهنتون علمي چارو مرستیال ښاغلي پوهاند دوکتور جمشېد خان “رشیدي” په خپلو خبرو کې د ورکشاپ د ارزښت او اهمیت اړوند معلومات ورکړل، زیاته یې کړه: د دې ورکشاپ په پای ته رسېدو سره به د پوهنتون استادان به له ډېرو تجربو برخمن شي او برېښنایي برخو کې به له خنډ سره مخ نشي.

د یادولو وړ ده چې د ورکشاپ په لومړۍ ورځ د ژبو او ادبیاتو او اختصاصي علومو پوهنځیو مسؤولینو ګډون درلود.

په پای کې د ښاغلي پوهنوال همایون "غفوري" لخوا د برېښنايي زده کړو ورکشاپ رسماً پیل شو.