کابل ښوونې او روزنې پوهنتون استراتیژيک پلان څېړلو غونډه ترسره شوه !
سې شنبې ورځ د ٢٩/١٢/۱۴۰۲ ه.ش چې ٩/٩/۱۴۴۵ ه.ق نېټې سره سمون لري د کابل ښوونې او روزنې پوهنتون پنځه کلن (۱۴۰۱-۱۴۰۵) استراتیژيک پلان څېړلو غونډه د لوړو زده کړو وزارت پلان او پالېسۍ رئیس ورسره مل پلاوي، د کابل ښوونې او روزنې پوهنتون رئیس، علمي چارو معاون او استراتیژیک پلان د بورد مسؤول به ګډون ترسره شوه.
غونډه د قرانکریم څو مبارکو آیتونو په تلاوت سره پیل شوه.
په پیل کې، د کابل ښوونې او روزنې پوهنتون رئیس ښاغلي شیخ الحدیث سیدبشیرآغا "هاشمي" د غونډې ګډوونکونکو ته د ښه راغلاست ترڅنګ، پوهنتون ته د لوړو زده کړو وزارت پلان او پالېسۍ رئیس راتګ په پار خوښي څرګنده کړه، زیاته یې کړه چې د لوړو زده کړو وزارت څخه مو هیله ده چې د یاد استراتیژیک پلان په پلي کولو کې له مونږ سره هر اړخیزه همکاري وکړي؛ ځکه چې ددې پلان په پلي کېدو سره به تر راتلونکي پنځو کلونو پورې د پوهنتون ټولې ستونزې حل شي.
وروسته، د لوړو زده کړو وزارت د پلان او پالېسۍ رئیس ښاغلي مفتي رضوان الله "منیب"خوښي څرګنده کړه: چې د یو اکاډمیک چاپیریال د راتلونکي پنځه کلن مسیر لپاره استراتیژیک پلان جوروي، زیاته کړه، لوړو زده کړو وزارت تاسو سره د پلان په عملي کولو کې پوره همکار دی او استراتیژیک پلان باید د کاغذ پر مخ پاتې نشي؛ بلکې د پلي کېدو علمي بڼه ولري.
غونډه د دعایې ویلو سره پای ته ورسېده.
