کابل ښوونې او روزنې پوهنتون اداري شورا غونډه ترسره شوه!

دوشنبې ورځ د ۱۶/۱۱/١٤٠٢ ه.ش چې له ۲۴/۷/١٤٤٥ ه.ق نېټې سره سمون لري د کابل ښوونې او روزنې پوهنتون اداري شورا غونډه د پوهنتون رئیس، معاونینو، پوهنځیو رئیسانو او استادانو په ګډون ترسره شوه.

غونډه د قرانکریم د څو مبارکو آیاتونو په تلاوت سره پیل شوه.

په پیل کې، د کابل ښوونې او روزنې پوهنتون رئیس ښاغلي شیخ الحدیث مولوی سید بشیر آغا "هاشمي" په خپلو خبرو کې، اداري شورا غړو ته د ښه راغلاست ترڅنګ د کابل ښوونې او روزنې پوهنتون لخوا دایر شوي ملي کنفرانس اړوند هر ارخیزي خبرې وکړې او د پوهنتون له ټولو کارکوونکو څخه یې مننه وکړه چې یاد کنفرانس کې یې زیار ایستی وو، زیاته یې کړه: چې راتلوونکي کال کې به په نړیواله سطحه په علمي او تحقیقي برخه کې کنفرانس دایر کړو.

د غونډې په جریان کې، د پوهنتون اداري شورا غړو د لاندې موضوګانو:

د کابل ښوونې او روزنې پوهنتون لخوا ترسره شوي ملي کنفرانس مثبتو او منفي ټکو په ډاګه کول، په منظمه او ښه توګه د ورځنیو دندو مخته وړلو او د لوړو زده کړو وزارت د تضمین کیفیت پلاوي چې نږدې ورځو کې به پوهنتون ته تشریف راوړي د پوره همکارۍ کولو، اړوند بحث او خبرې وشوې.

غونډه د دعایې په ویلو سره پای ته ورسېده.