کابل ښوونې او روزنې پوهنتون اداري(رهبري) شورا غونډه ترسره شوه!
چهارشنبې ورځ د ٢٤/٢/١٤٠٤ ه.ش چې له ١٦/١١/١٤٤٦ ه.ق نېټې سره سمون لري د کابل ښوونې او روزنې پوهنتون اداري شورا غونډه د پوهنتون رئیس، معاونینو، پوهنځیو رئیسانو او اداري شورا غړو په ګډون ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
په پیل کې، د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" په خپلو خبرو کې اداري شورا غړو ته د ښه راغلاست ترڅنګ د ماسټرۍ او دوکتورا برنامو ته د مستحقو استادانو ورپېژندلو اړوند هراړخیزې خبرې وکړې، زیاته یې کړه: د پوهنځیو د رئیسانو لخوا د تدریسي چارو کنترول او نظارت په پار په درسي مهالویشونو کې تدریسي لومړي ساعات باید تنظیم نشي، ترڅو په منظم ډول له تدریسي چارو څخه کنټرول ترسره شي. همدارنګه یې ټولو ګدونوالو ته په اداراتو کې د سلسله مرابتو رعایت کولو اړوند اړینې سپارېښتنې وکړې.
وروسته، د اداري شورا غړو د لاندې موضوعاتو:
(د پوهنتون بیرغ د رنګ تبدیلی، په ذیربطو شعباتو کې د سلسله مراتبو رعایت کولو، ماسټرۍ او دوکتورا برنامو ته د مستحقو استادانو ور پېژندلو، په لومړیو درسي ساعاتو کې د صنفونو کنترول په پار د پوهنځیو رئیسانو تدریسي ساعاتو نه تنظیمولو، پنجشنبې ورځو کې د تدریسي چارو د تطبیق ګزارش، فوق لېسانس برنامو استادانو حق الزحمه او د درې او څلور کالو غیابت وروسته د محصلینو تحصیلي دورې پرمخ وړلو) اړوند بحث او خبرې وکړې.
غونډه د دعایې په ویلو سره پای ته ورسېده.
