کابل ښوونې او روزنې پوهنتون، پي-دي-سي تالار کې نویو مقرر شویو استادانو ته "په تحصیلي بنسټونو کې د علمي کادر ونډې" ترسرلیک لاندې ښوونیز-لارښودي یو ورځنی ورکشاپ دایر شو!
چهارشنبې ورځ ٢١/١١/۱۴۴۵ هــ ق چې له ٩/٣/١٤٠٣ ه.ش نېټې سره سمون لري د کابل ښوونې او روزنې پوهنتون، پي-دي-سي تالار کې نویو مقرر شویو استادانو ته "په تحصیلي بنسټونو کې د علمي کادر ونډې" ترسرلیک لاندې ښوونیز-لارښودي یو ورځنی ورکشاپ د کابل ښوونې او روزنې پوهنتون رئیس، پي-دي-سي مسؤولینو او استادانو په ګډون پيل شو.
ورکشاپ د قرآنکریم د څو مبارکو آیتونو په تلاوت سره پیل شو.
لومړۍ، د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا"هاشمي" د غونډې ګډوونکونکو ته د ښه راغلاست ترڅنګ د یاد ورکشاپ په دایرېدو خوښي څرګنده کړه، زیاته یې کړه: استادانو لپاره د ورکشاپونو دایرېدل یو نېک اقدام دی، چې د څېړنې په برخه کې به استادان خپلې ستونزې حل کړي، او له ټولو استادانو څخه یې وغوښتل چې یاد ورکشاپ څخه پوره ګټه واخلي، همدارنګه یې استادانو ته په پوره انګېزه د تدریسي چارو مخته وړلو، د محصلینو ستونزو حل، نویو میتیودونو استفاده کولو او د پوهنتون اصولو او مقرراتو مطابق د تدریسي چارو مخته وړلو اړوند اړینې سپارېښتنې وکړې.
په پای کې د ښاغلي پوهنوال همایون "غفوري" لخوا ورکشاپ رسماً پیل شو.
