سهار ستوري کلینیک لخوا د کابل ښوونې او روزنې پوهنتون استادانو مسلکي پراختیا په همغږۍ د پوهنتون کارمندانو ته ( د زړه او تنفسي سیسټم د بیا ژوندي کولو) ترسرلیک لاندې یو ورځنۍ ورکشاپ وړاندې شو!
سې شنبې ورځ ١١/٦/۱۴۴۷ هــ ق چې له ١١/٩/١٤٠٤ ه.ش نېټې سره سمون لري سهار ستوري کلینیک لخوا د کابل ښوونې او روزنې پوهنتون استادانو مسلکي پراختیا په همغږۍ د پوهنتون کارمندانو ته ( د زړه او تنفسي سیسټم د بیا ژوندي کولو) ترسرلیک لاندې یو ورځنۍ ورکشاپ د کابل ښوونې او روزنې پوهنتون، رئیس، علمي چارو مرستیال، استادانو مسلکي انکشاف آمر، مسؤولینو او کارمندانو په ګډون پيل شو.
ورکشاپ د قرآنکریم د څو مبارکو آیتونو په تلاوت سره پیل شو.
لومړۍ، د کابل ښوونې او روزنې پوهنتون رئیس ښاغلي شیخ مولوي عبدالحکیم"حمدي" د غونډې ګډونوالو ته د ښه راغلاست ترڅنګ، وویل: دغه شان مسلکي ورکشاپونه نه یوازې د کارکوونکو عملي مهارتونه لوړوي، بلکې د بیړنیو حالاتو په وړاندې د هغوی چمتووالی هم زیاتوي. موږ د سهار ستوری کلینیک څخه د یادې ګټورې همکارۍ مننه کوو، همدارنګه یې کارمندانو ته له ورکشاپ څخه د پوره ګټه اخیستلو اړوند لازمې سپارېښتنې وکړې.
همدارنګه، د علمي چارو مرستیال ښاغلي پوهنوال احسان الله"ناصح" د ورکشاپ اړوند هراړخیزې خبرې وکړې.
وروسته، د استادانو مسلکي انکشاف آمر ښاغلي پوهنوال دوکتور عبدالجبار "څپاند" د یاد ورکشاپ ارزښت او ضرورتونو اړوند هر اړخیزې خبرې وکړې.
وروسته له مقدماتي خبرو، یاد ورکشاپ د کلینیک مسؤل لخوا رسماً پیل او په تشریحي او عملي برخو کې (د زړه او تنفس د بیا ژوندي کولو عملي طریقې، د طبي وسایلو کارونه او د بیړنیو حالاتو پر وخت د مرستې لارې چارې) اړوند هراړخیز معلومات له کارمندانو سره شریک کړل
