د کیمیا څانګه
د کیمیا څانګې لیدلوری:
د کیمیا څانګه دا اراده لري، چې د کیمیا په برخه کې متخصص، مسلکي او لایق ښوونکي او رهبران په تدریس، څېړنې او پیداګوژیکي مهارتونو کې د مسلکي ژمنتیا او صداقت سره د محصلینو روزنه وکړي. دا علمي، تخصصي او مسلکي روزنه پرته له کوم قومي، ژبني، نژادي، سیمییز او د جنسیت له توپیر پرته وړاندې کوي.
د کیمیا څانګې ماموریت:
د کیمیا څانګه خپل رسالت پر لاندې موخو سره ترسره کوي:
- د نوي تعلیمي نصابونو په شمول پر ملي او نړیوالو کچه د علمي پروګرامونو وړاندې کول، ترڅو د کیمیا په برخه کې مسلکي او متخصص استادان د لوړو زده کړو، معلمانو او مکتبونو اړتیاوې پوره کړي.
- د فارغانو لپاره چې د ښوونځیو او د دارالمعلمین فارغان دي؛ د لېسانس پر سطحه د کیمیا د رشتې زده کړې وړاندې کول.
- د تدریس کیفیت او کميت لوړول.
- د ملي او نړیوالو اکاډمیکو موسسو سره اړیکې ټینګول.
- د ښځو او نارینه وو د حقونو مساوات تضمینول.
- د کیمیا څانګه د دریس، روزنې او څېړنې د یوه معتبر مرکز جوړول.
د کیمیا څانګې لنډه پېژندنه:
کیمیا څانګې خپل اکاډمیک فعالیتونه له تربیه معلم، د روښان داخل خدمت پوهنځي، د کابل پیداګوژي انستیتوت څخه پیل کړي دي او وروسته بیا د کابل ښوونې او روزنې پوهنتون ته لاړ. دلته په څانګه کې استادان پر تدریس، څېړنه، تألیف، ژباړه او نورو اکاډمیکو فعالیتونو سره د محصلانو د مسلکي روزنې لپاره کار کوي. دغه استادان د کیمیا په مختلفو مضامینو کې تدریس کوي او محصلانو ته دا پوهه لېږدوي. تر څو د کیمیا په برخه کې مسلکي معلمان تربیه کړي.
کیمیا څانګه د طبیعي علومو د پوهنتون برخه ده او استادان یې د ماستري او لیسانس تر کچو زده کړې دي. استادان د محصلانو سره د متقابل تعامل پر اساس کار کوي تر څو هغوی نه یوازې د علمي کادرونو لپاره بلکې د اوسني ژوند لپاره هم مسلکي شي.
د کیمیا څانګې موخې:
د کیمیا پوهنځي موخې دا دی چې فارغان یې مسلکي معلمان شي، چې په کیمیا کې نه یوازې د تدریس او کادر جوړولو لپاره، بلکې د ژوند لپاره هم لازم مهارتونه ولري. استادان په دې څانګه کې د محصلانو لپاره د تدریس یوه فعاله طریقه وړاندې کوي او د هغوی استعدادونو ته ارزښت ورکوي.
فعاله زده کړه:
د کیمیا څانګې تدریس په فعاله توګه کیږي، استادان د محصلانو د استعدادونو په اړه اهمیت ورکوي. هر سمستر د تدریس، څېړنې او خدماتو کیفیت تل ارزول کېږي او د ښه والي لپاره هڅې دوام لري. استادان د خپلو فعالیتونو له لارې د محصلانو سره ښه اړیکه جوړوي او د هغوی استعدادونو ته وده ورکوي.
د کیمیا څانګې علمي برنامې:
د کیمیا څانګه د علمي برنامو په برخه کې د نویو نصابونو او موادو د پراختیا لپاره تل کار کوي. په دې برخه کې دغه څانګه خپلې کړنې او موخو ته تل بیاکتنه کوي او له نویو منابعو څخه ګټه اخلي:
- د تدریس لپاره لازم لابراتوارونه او کتابتون کارول کېږي.
- نصابونه، مفردات او لکچر نوټونه تل تجدید نظر کېږي.
- د څانګې په تدریس کې د کمیت او کیفیت لوړولو ته ځانګړې پاملرنه کېږي.
- استادان د مسلکي انکشاف لپاره ورکشاپونه او سیمینارونه جوړوي او ډېری یې د تصدیق شویو سرتفیکټونو څخه برخمن دي.
- د استادانو او محصلانو لپاره د کمپیوټر او ژبې د تقویت لپاره مختلف پروګرامونه جوړ شوي دي.
د کیمیا څانګې د استادانو لپاره فرصتونه:
- استادان د ماستري او دکتورا په پروګرامونو کې برخه اخلي.
- استادان د ساینس د سیمینارونو کې ګډون کوي او له هغه ځایه عملي تجربې ترلاسه کوي.
- څانګه په خپله کچه د پوهنتون د نورو موسسو سره همکاري کوي تر څو د تدریس او څېړنې ظرفیتونه پراخ کړي.
پایله:
کیمیا څانګه د خپلو علمي اهدافو او پراختیا سره د محصلانو لپاره یوه معیاري تعلیمي تجربه وړاندې کوي. استادان یې د مسلکي او علمي اړتیاوو په پوره کولو کې ډېر جدي دي او هڅه کوي چې محصلان د کیمیا په برخه کې د علمي پوهې او عملي مهارتونو له مخې وروزل شي.
د کیمیا څانګې د تشکیلاتو چارت
