د کابل ښوونې او روزنې پوهنتون د ټولنیزو علومو پوهنځي محصلینو د ګلانو په کېنولو د نوموړې پوهنځي چاپېریال ته لا ښکلا ورکړه.
په دې کمپاین کې د پوهنتون مالي او اداري چارو معاون، د پوهنځي رئیس، استادانو او اداري څانګې آمرینو هم برخه اخیستې وه، د محصلینو د دې نېک اقدام هر کلی او له هغو یې منندویي وکړه.
همدارنګه د مالي او اداري چارو معاون ښاغلي حاجي عبدالرحيم “زبیر” له ټولو هغه محصلینو څخه چې په دې کمپاین کې یې برخه اخیستې وه منندویې وکړه، نوموړي په خپله وینا کې محصلینو ته وویل: خپلو زده کړو او مسؤلیتونو ته متوجه اووسئ او په هره برخه کې د خپل هېواد ودانولو لپاره د خدمت جوګه وګرځئ.
