د کابل ښوونې او روزنې پوهنتون د لوړو زده کړو وزارت له لوري د پیام معرفت مجلې د بیا خپرولو جواز تر لاسه کړ!
د کابل ښوونې او روزنې پوهنتون د علمي او تخصصي مجلې د خپروونکي په توګه د لوړو زده کړو وزارت د څېړنې، تالیف او ژباړې له ریاست څخه د پیام معرفت علمي – څېړنیزې مجلې د بیا چاپ او خپرولو اجازه ترلاسه کړه.
پیام معرفت مجله چې له (۲۰) کلونو راهیسې علمي فعالیتونه خپروي، د لوړو زده کړو وزارت لخوا د هېواد د علمي مجلو د بیا ارزونې پر بنسټ په دې مجله کې د مقالو د بیا خپرولو اجازه ترلاسه کړه.
د یادولو وړ ده چې پیام معرفت مجله به له دې وروسته د کابل ښوونې او روزنې پوهنتون د علمي او تخصصي مجلو د خپروونکې په توګه وګڼل شي او د دې مجلې له بنسټ څخه به نورې تخصصي مجلې جوړې او جواز به ورکړل شي چې، دا مهال مو د ټولنيزو علومو، ادبياتو او بهرنيو ژبو په برخو کې دوه تخصصي مجلو ته د خپلو خپرونو جواز ترلاسه کړی.
دغه راز د اسلامي علومو، طبيعي علومو او معلوماتي ټکنالوژۍ په برخو کې دوه نورې تخصصي مجلې هم سږ کال خپلې لومړۍ ګڼې چاپ ته چمتو کړي دي او د لوړو زده کړو له وزارت څخه د جواز ترلاسه کولو په تمه دي.
د نړیوالو ژورنالونو په برخه کې د روان کال په اوږدو کې د کابل ښوونې او روزنې پوهنتون د ټولنیزو علومو، طبیعي علومو او معلوماتي ټکنالوژۍ په برخو کې دوه علمي او تخصصي ژورنالونه خپرېدو ته چمتو دي او د دې ژورنالونو د خپرولو پر مهال د لوړو زده کړو له وزارت څخه د دې ژورنالونو د خپرولو جواز او علمي اعتبار هم ترلاسه کوي.
