د کابل ښوونې او روزنې پوهنتون اسلامي علومو پوهنځي محصلینو ته درې ورځنۍ علمي سیمینار پیل شو!
سې شنبې ورځ د ٢٤/١٠/١٤٤٦ ه.ق چې له ٢/٢/١٤٠٤ ه.ش نېټې سره سمون لري د کابل ښوونې او روزنې پوهنتون اسلامي علومو پوهنځي محصلینو ته درې ورځنۍ علمي سیمینار پیل شو.
یاد سیمینار چې د کابل ښوونې او روزنې پوهنتون د عبدالرحمن بن سمرة د غونډو په عمومي تالار کې پیل شو د کابل ښوونې او روزنې پوهنتون معاونینو، استادانو، کارمندانو او اسلامي علومو پوهنځي محصلینو ګډون درلود چې په یاد درې ورځني سیمینار کې به د پوهنتون رئیس صاحب په هدایت د اسلامي علومو پوهنځي محصلینو ته (د کریدټ سیسټم ښوونې، مخدره موادو زیانونو، HLIMS سیسټم ښوونې، نبوي سنتونو ارزښت، مونوګرتف لیکنې او اطاعت ارزښت) اړوند موضوعات تشرېح او توضیح شي.
په پیل کې د کابل ښوونې او روزنې پوهنتون محصلانو چارو مرستیال ښاغلي مولوي رحمان ګل"وثیق" د پیل وینا وکړه، ګډونوالو ته یې د ښه راغلاست ترڅنګ، وویل: قدرمنو محصلینو! خوښ یو چې په یو علمي سیمینار کې له تاسو سره یو ځای ګډون کوو، زیاته یې کړه: محصلینو! یاد سیمینار به درې ورځې دوام وکړي، وروسته له خلاصېدو به تاسو د سیمینار په معنوي ارزښت پوهه تر لاسه کړئ، هیله مو ده چې په پوره حوصله مندۍ سره د سیمینار تر پای ورځې مونږ سره یو ځای اوسئ.
ورسته، د تربیتي او مسلکي علومو پوهنځي رئیس ښاغلي پوهنوال عبدالواسع"عظیمي" د تعیین شوې موضوع مطابق محصلینو ته د کریدټ سیسټم ښوونې اړوند هراړخیز معلومات شریک کړل.
همدارنګه، د اطلاعاتو، نشراتو او عامه اړیکو آمر ښاغلي مولوي ایام الدین"محب" د مخدره موادو زیانونو او د هغو دنیوي او اخروي جزاګانو اړوند هراړخیزې خبرې وکړې.
لومړۍ ورځ سیمینار غونده د دعایې په ویلو سره پای ته ورسېده.
