د لوړو زده کړو وزارت سرپرست وزیر ښاغلي شیخ الحدیث مولوي نداء محمد “ندیم” د کابل ښوونې او روزنې پوهنتون له محصلینو سره د دیني او اصلاحي درسونو د پیل په پار ولیدل!

چهارشنبې ورځ د ۱۵/۶/۱۴۰۲هــ.ش چې له ۲۰/۲/۱۴۴۵ هــ.ق نېټې سره سمون لري د لوړو زده کړو سرپرست وزیر ښاغلي شیخ مولوي نداء محمد “ندیم” د کابل ښوونې او روزنې پوهنتون له محصلینو سره د دیني او اصلاحي درسونو د پیل اړوند لیدنه وکړه.

غونډه د قرآنکریم د څو مبارکو آیاتونو په تلاوت سره پیل شوه.

په یاده غونډه کې د لوړو زده کړو وزارت سرپرست وزیر، لوړو زده کړو د دعوت او ارشاد رئیس، د کابل ښوونې او روزنې پوهنتون رئیس، د پوهنتون معاونینو، استادانو، اداري کارمندانو او محصلینو ګډون درلود.

لومړی د کابل ښوونې او روزنې پوهنتون رئیس ښاغلي شیخ مولوي سید بشیر آغا "هاشمي" په خپلو خبرو کې د لوړو زده کړو وزارت وزیر صاحب او راغلي پلاوي ته د ښه راغلاست ترڅنګ له ښاغلي وزیر صاحب څخه مننه وکړه، چې یاد پوهنتون ته یې تشریف راوړ او له محصلینو سره یې له نېږدې لیدنه وکړه.

ورپسې د لوړو زده کړو وزارت د دعوت او ارشاد رئیس ښاغلي شیخ مولوي شاکرالله "وحدت" په خپلو خبرو کې د لوړو زده کړو وزارت د وزیر صاحب د راتګ موخې او هدف اړوند وضاحت ورکړ او محصلینو ته یې د فکري روزنې په برخه کې اړینې سپارښتنې وکړې.

همدارنګه یې محصلینو ته وویل: چې د لوړو زده کړو وزارت علماء او شیوخ به محصلینو ته دیني او اصلاحي درسونه پیل کړي او یاد درسونه به د علماوو او شیخو لخوا په افتخاري توګه پیل شي.

په پای کې د لوړو زده کړو وزارت سرپرست وزیر ښاغلي شیخ الحدیث مولوي نداء محمد "ندیم" په خپلو خبرو کې محصلینو ته د دیني ارشاداتو، اعمالو، اخلاقو او مکلفیتونو په برخو کې اړیني سپارښتنې وکړې زیاته یې کړه، چې تاسو د هېواد سرمایه یاستئ، د هېواد آبادول پر تاسو دي ځانونه د اسلام دین په احکامو برابر کړئ او په خپلو تحصیلي رشتو کې کوښښونه وکړئ او د عصري علومو ترڅنګ ديني علومو ته هم متوجه شی.

غونډه د دعایې په ویلو سره پای ته ورسېده.