د "افغانستان طبي شورا د فعالیت جواز" د کانکور ازموینه د کابل ښوونې او روزنې په پوهنتون کې واخیستل شوه!

د "افغانستان طبي شورا د فعالیت جواز" د کانکور ازموینه د کابل ښوونې او روزنې پوهنتون رئیس، معاونینو، استادانو او د ازموینو ملي ادارې راغلي پلاوي په حضور کې پیل شوه.

جمعې ورځ د 5/9/1445ه.ق چې له 25/12/1402ه.ش نېټې سره سمون لري د "افغانستان طبي شورا د فعالیت جواز " د کانکور ازموینه د کابل ښوونې او روزنې پوهنتون د رهبرۍ، استادانو، د ازموینو ملي اداراې راغلي پلاوي او د کانکور ګډونکوونکو په حضور کې سوالانه له ټاکل شوو صندوقونو خلاص شول او په شفافه توګه د آزموینې لړۍ پیل شوه.

د کابل ښوونې او روزنې پوهنتون رئیس، ښاغلي شیخ الحدیث مولوي سید بشیر آغا "هاشمي" د ازموینې له بهیر څخه نظارت وکړ او ټولو استادانو ته یې د ازموینې اړوند اړینې سپارېښتنې وکړې او د ازموینې ملي ادارې پلاوي ته یې په ازموینه کې د پوره رونټیا او امانت دارۍ ډاډ ورکړ.

د یادولو وړ ده چې په ننۍ ازموینه کې (2064) داکټرصاحبانو ګډون درلود.