کابل ښوونې او روزنې پوهنتون کې د پوهنځیو تر منځ د فوټبال سیالیو پرانېست غونډه تر سره شوه!
سې شنبې ورځ د ۲۵/۱۰/۱۴۴۴ هــــ.ق. نېټه د پوهنتون معاونینو، د پوهنځیو رئیسانو، استادانو، اداراي آمرینو، کارمندانو او محصلینو په ګډون د فوټبال کلنۍ سیالۍ د (۲۲۰) لوبغاړو څخه چې (۱۱) ټیمونو پکې ګډون درلود د (۲۴) مخکښو لوبغاړو د ټاکلو په پار د فوټبال کلنیو سیالو غونډه د کابل ښوونې او روزنې پوهنتون په ورزشي میدان کې پیل شوه.
غونډه د قرآن کریم د څو مبارکو آیاتونو په تلاوت سره پیل شوه.
لومړی د بدني روزنې او ورزشي علومو پوهنځي رئیس ښاغلي پوهندوی محمد زبیر “حبیبي” د غونډې ګډون کوونکو ته د ښه راغلاست ترڅنګ د سیالیو اړوند وویل: یادې سیالۍ هر کال د پوهنتون (نهه ګونه) پوهنځیو او اداري کارمندانو ترمنځ د مخکښو لوبغاړو پیداکولو په پار ترسره کېږي.
همدارنګه، نوموړي په خپلو خبرو کې له ټولو لوبغاړو وغوښتل چې د سیالۍ په لړۍ کې اخلاقي، اسلامي او ورزشي اصول رعایت کړي ترڅو لوبې په ښه او ارامه فضا کې ترسره شي.
ورپسې د محصلانو چارو معاون ښاغلي انجینر اکرام الله “صهیب” په خپلو ارزښتناکو خبرو کې ټولو لوبغاړو ته د اسلامي، اخلاقي او ورزشي اصولو اړوند سپارښتنې وکړې، زیاته یې کړه چې د اسلام په مقدس دین کې قوي مومن بهتر له ضعیف مومن څخه دی او ورزش کول د مومنانو د صحتمندۍ او سلامتۍ ضامن دی.
په آخر کې غونډه د دعایې په ویلو سره پای ته ورسېده.
