کابل ښوونې او روزنې پوهنتون اداري شورا غونډه ترسره شوه!
دوشنبې ورځ د ۲۰/۱۲/۱۴۰۳ ه.ش چې له ۱۰/۹/١٤٤٦ ه.ق نېټې سره سمون لري د کابل ښوونې او روزنې پوهنتون اداري شورا غونډه د پوهنتون رئیس، معاونینو، پوهنځیو رئیسانو او اداري شورا غړو په ګډون ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
په پیل کې، د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" په خپلو خبرو کې اداري شورا غړو ته د ښه راغلاست ترڅنګ، وویل: د نه ګوني پوهنځیو رئیسان باید د خپلو مربوطه پوهنځیو ربعوار ګزارش په اداري شورا کې له ټولو سره شریک کړي، زیاته یې کړه: د ټولو پوهنځیو مسؤولین باید د لوړو زده کړو وزارت د پلټنې او ارزونې ریاست لخوا د پوهنځیو په ګوته شویو ټولو ستونزو حل لپاره پوره هڅې وکړي. وروسته یې د اداري شورا غړو ته یې په منظمه توګه د تدریسي چارو مخته وړلو، استادانو کورس پالیسی، محصلینو حاضری ته د جدي توجه کولو او د استادانو درسي مکلفیت درلودلو اړوند اړینې سپارېښتنې وکړې.
وروسته، د پوهنتون اداري شورا غړو د لاندې موضوګانو:
لوړو زده کړو وزارت د پلټنې او ارزونې ریاست لخوا د پوهنځیو په ګوته شویو ستونزو حل، له امارتي او خصوصي بنسټونو سره د همکاریو هوکړه لیکونو، د پوهنتون مختلفو کمېټو کې د استادانو ګډوون کولو او د نه ګوني پوهنځیو څلورمې ربعې ګزارش ارائه کولو اړوند بحث او خبرې وکړې.
غونډه د دعایې په ویلو سره پای ته ورسېده.
