د پوهنتون د اداري شورا ناسته
د شهید استاد رباني د ښوونې او روزنې پوهنتون اداري ناسته په عادي روال د ۱۴۰۰ کال د چنګاښ میاشتې په ۷مه نېټه تر غرمې وړاندې په ۹:۰۰ بجو د پوهنوال لیلما شریفي یما په مشرۍ په پرانیستې فضا کې روغتیايي تدابیرو ته په پام سره وشوه او د اجنډا په اړه اړینې پرېکړې وشوې.
۱- د پوهنتون رئیسې د ناستې ګډونوالو ته ښه راغلاست ووایه او د آنلاین کورسونو لپاره یې د مشخصې خونې د جوړېدو خبر ورکړ. دې وویل چې د پوهنتون مشرتابه د لوړو زدهکړو د محترم وزارت په غوښتنه د استادانو د علمي کنفرانسونو خونه د آنلاین کورسونو د مخته تګ په موخه د تجهیز لپاره دغه وزارت ته سپارلې او ټاکل شوې د وزارت د علمي چارو مرستیال په دې برخه کې د مرکز او ولایتونو د پوهنتونونو له رئیسانو سره آنلاین ناسته ولري. د پوهنتون رئیسې په ناسته کې د پوهنځیو له رئیسانو وغوښتل چې د خپلو پوهنځیو او څانګو په کچه د فارغانو کمیـټې فعالې کړي؛ همدا راز د خپلو پوهنځیو فېسبوکپاڼې فعالې کړي او خپل فعالیتونه او راپورونه ترې خپاره کړي. په ناسته کې د پوهنځیو رئیسانو ته لارښوونه وشوه چې د خپلو فارغانو د برخې مسنجر ګروپونه فعال کړي او د ګوګل فورم له لارې مشخصه کړي چې د پوهنځي څومره فارغان یې په کار ګومارل شوي دي.
۲- له اړوندو مراجعو څخه راغلي مکاتیب چې د نظر څرګندولو او راپور ورکولو لپاره د پوهنتون درېګونو معاونیتونو ته لېږل کېږي، په اړه یې په ناسته کې پرېکړه وشوه چې د پوهنتون درېګوني معاونیتونه باید خپل راپور او نظرونه رسماً د پوهنتون ریاست ته ولېږي؛ د تحریراتو محترم آمریت باید د پوهنتون له درې ګونو معاونیتونو څخه راپورونه راټول کړي او د رسمي مکتوب له لارې یې اړوندو مراجعو ته ولېږي.
