د شهید استاد رباني د ښوونې او روزنې پوهنتون مشرتابه د برادران عابدي ساختماني شرکت له مشر سره وکتل
د ۱۳۹۹ کال د وږي په ۱۷ مه د دوشنبې په ورځ، د شهید استاد رباني د ښوونې او روزنې پوهنتون مشرتابه د برادران عابدي ساختماني شرکت له مشر سره وکتل، ترڅو د دې پوهنتون د ادیتوریم د بیارغونې کارونه وسپاري. په دې ناسته کې د شهید استاد رباني د ښوونې او روزنې پوهنتون رییس آغلي پوهنوال لیلما شریفي یما، د مالي او اداري چارو مرستیال ښاغلي عبدالخالق حیدري، د تدارکاتو آمر محمد فرید ایوبي، او د پوهنتون یو شمیر استادانو هم برخه اخیستې وه. د پوهنتون رییس آغلي پوهنوال لیلما شریفي یما، د ادیتوریم د کار د بشپړولو لپاره مننه وکړه او د الله تعالی له دربار څخه یې د شرکت مسوؤلینو ته د بریا هیله وکړه او په پای کې د پوهنتون مشرتابه له خوا د شرکت مشر ته ستاین لیک ورکړل شو. مجلس د خیر په دعا سره پای ته ورسیده.
