د کابل ښوونې او روزنې پوهنتون او وردگ د لوړو زده کړو مؤسسې د علمي کادرنو، لپاره مسلکي (تحریري) آزموینه واخېستل شوه!
د کابل ښوونې او روزنې پوهنتون او وردگ د لوړو زده کړو مؤسسې د بېلا بېلو څانگو د علمي کادرونو د بریالیو نوماندانو څخه د مسلکي آزموینې د اخیستو بهیر، د شنبې ورځ 1444/8/18 نېټه د پوهنتون د علمي چارو مرستیال ښاغلي دوکتور پوهاند جمشېد خان رشيدي د پوهنځیو رئیسانو، د لوړو زده کړو وزارت د تقرر او ترفیعاتو ریاست پلاوي، استادانو او د استادانو چارو آمر ښاغلي پوهنمل نجیب الله بیگزاد په حضور کې آزموینه واخېستل شوه.
لمړی د پوهنتون د علمي چارو مرستیال ښاغلي پوهاند دوکتور جمشېد خان"رشيدي" د آزموینې له بهیر څخه د څارنې پر مهال د دې پروسې د شفافیت، امانتدارۍ، نظم او ډسپلین په اړه ټولو حاضرینو ته ډاډ ورکړ، همدارنگه یې څرگنده کړه چې، په پوهنتونونو کې د علمي کادر د استخدام معیار د کاندیدانو وړتیا ته په کتو ترسره کېږي.
د یادونې وړه ده چې، په دې آزموینه کې ګڼ شمېر نارینه کاندیدانو چې د بین المللی ژبې آزموینه کې بریالي شوي وو گډون درلود.
